Inscrivez-vous pour participer à nos débats
----------
Iyandikishe kugira ukurikirane ibiganiro vya MAP-Burundi Buhire

Umuhari w'Ibikorwa Nkundagihugu, MAP-BURUNDI BUHIRE uramenyeshe Abarundi ko uzotunganya ikiganiro ku munsi wa gatandatu igenekerezo rya 20 Ndamukiza  mur'uyu mwaka w’2024 (20/04/2024), kuva isaha cumi na zibiri y'umuhingamo (18h)  gushika isaha zibiri ku mugoroba (20h), amasaha y'i Bujumbura. Abatumire bazotuyagira ivyerekeye UBUSHINGANTAHE mu Burundi. Ubushingantahe n'iki ? Urugo rwitegurira  intahe gute? Ukwatira urugo bigenda gute ? Abashingantahe baranguye iki mu mibano y'Abarundi muri kahise, barangura iki muri bino bihe ? Bazorangura iki muri kazoza k'Uburundi? Abazotuyagira  n'inararibonye ziri mu  rwego rw'Abashingantahe mu Burundi no hanze y'Uburundi,  n'abashakashatsi bakongera bakaba abigisha muri za kaminuza. 

 

Nabo ni:

​

 1) Adrien Sibomana, yabaye umushikiranganji wa mbere akaba ariwe  Mukuru w'Inama Nkuru y'Abashingantahe. 

2) Pr Père Liboire Kagabo, umwigisha muri kaminuza, umwanditsi ku Bushingantahe mu Burundi.

3) Pr Barbara Ndimurukundo-Kururu, umwigisha muri kaminuza akaba n'umwanditsi ku Bushingantahe mu Burundi.

4) Joseph Ndayegamiye, arongoye Inama y'Abashingantahe mu Ntara igizwe n'ibihugu vya Buraya.

Ikiganiro kizoremeshwa n'umumenyeshamakuru Gilbert Niyonkuru.

​

Abipfuza gukurikira ico kiganiro bokwiyandikisha kugira bazorungikirwe umuhora bazogikurikiranirako. 

https://www.map-burundi.org/evenements-conferences

​

Tubaye turabashimira.

​

TUGIRE UBURUNDI BUHIRE, AMAHORO, INTAHE N'ITERAMBERE. Umuvugizi wa MAP-BURUNDI BUHIRE, Libérat Ntibashirakandi